以前我都係住開樓下同集團嘅Ibis, 貪佢性價比高不過隔音真係唔得, 連隔離房大聲啲講嘢都聽得到, 朝早啲閂門聲, 房務員做嘢嘅嘈雜聲真係好惡頂, 所以今次選擇閒日價錢實惠嘅Mercure ; 房間比Ibis大啲但唔算太多, 但兩個人加兩個大喼一定夠位擺仲有空間走動, 隔音比Ibis好好多, 上面提到嘅問題幾乎係冇, 不過窗簾雖然有兩層但仲係有漏光情況, 我個人唔鍾意早起所以唔係咁滿意;設施方面我無享用過早餐, 而泳池同健身室都只係屬於好過無類型, 始終唔係五星級酒店都唔可以太高要求;而賣點最主要係方便, 樓下就已經有7-11, 斜對面就係Emporium商場, 又有間同Super Rich差唔多匯率嘅找換店, 唔使特登去排隊唱錢, 附近又有幾間質素唔錯嘅按摩店, BTS Phorm Phong站行過黎只係兩三分鐘, 撘車去Terminal 21只係一個站, Siam Paragon, Central World, 四面佛嗰邊都係四五個站, Phorm Phong站另一邊仲有另一個商場Emquartier, 要買野食野只會令你有選擇困難;總括黎講如果唔怕嘈同間房細嘅又冇設施嘅Ibis一定冇得輸, 想住得舒服啲又唔想比太多錢嘅Mecure其實都唔錯